आ. गोपीचंद पडळकर – प्रस्थापितांना धडकी भरवणारा निर्भीड नेता

राजकीय कारकिर्दीचा प्रवास

गोपीचंद पडळकर यांनी त्यांच्या राजकीय कारकिर्दीस महादेव जानकर यांच्या राष्ट्रीय समाज पक्षातून सुरुवात केली होती. जानकर हे धनगर समाजातील असल्यामुळे, त्यांनी धनगर आरक्षणासाठी लढा दिला आणि त्याला पडळकरांनी बळ दिलं.

त्यांनी पहिली निवडणूक खानापूर विधानसभा मतदारसंघातून लढवली. त्यानंतर 2014 साली भाजपमध्ये प्रवेश करत पुन्हा तिथूनच निवडणूक लढवली. वादानंतर वंचित बहुजन आघाडीत प्रवेश केला आणि सांगली लोकसभा मतदारसंघातून लढले. नंतर परत भाजपमध्ये येत त्यांनी बारामतीतून अजित पवार यांच्याविरोधात निवडणूक लढवली.

2024 ची ऐतिहासिक निवडणूक विजय

2024 साली झालेल्या विधानसभेच्या निवडणुकीत गोपीचंद पडळकर यांनी जत विधानसभा मतदारसंघातून भारतीय जनता पक्षाचे उमेदवार म्हणून विजय मिळवला. हे त्यांचं पहिलं मोठं यश असून, ते धनगर समाजाचं सशक्त प्रतिनिधित्व करत आहेत.

लेखन, अभिनय आणि सामाजिक कार्य

पडळकर हे केवळ राजकारणी नाहीत तर लेखक, सिने निर्माता आणि अभिनेते सुद्धा आहेत. 2019 मध्ये त्यांनी ‘धुमस’ या चित्रपटाची निर्मिती केली होती. ते समाजसुधारणेच्या कार्यात सक्रीय आहेत.